Í ár er 200 ára afmæli fyrsta farartækisins sem með sönnu er hægt að kalla reiðhjól. Það var 12. júní 2017 sem þýski barónin Freiherr Karl von Drais fór út að hjóla í fyrsta sinn á nýrru uppfinningu sinni. 

Þeir sem hjóla til samgangna í Englandi eru fjórum sinnum líklegri til að ná markmiðum breskra stjórnvalda um daglega hreyfingu, sem er 150 min hreyfing á viku.

Nú er vinsælt hjá ástríðufullum hjólreiðamönnum að taka upp ferðir sínar og birta á vefnum myndskeið af ýmsum uppákomum. Sumir skrá jafnvel niður hraða hjólsins og varpa inn á myndbandið. Þá vantar kannski bara að skrá hversu vel bílarnir viku fyrir viðkomandi en tæki sem skrá slíkt eru ekki jafn aðgengileg og myndavélar.

Hvenær má byrja að hjóla með ungabörn? Hvernig er best að búa að þeim á hjólinu? Er betra að láta börn hjóla sjálf eða festa hjól þeirra við hjól fullorðins með armi? Þessar spurningar og margar aðrar er fjallað um í nýjum bækling um hjólreiðar fyrir fjölskyldufólk sem samgönguyfirvöld í Portland borg gáfu út.

Út er komin skýrsla á Skemmunni eftir Huldu Dagmar Magnúsdóttur um nemendaverkefni hennar í Líf- og umhverfisvísindadeild Háskóla Íslands um hegðun fólks á bílaplönum, sem er partur af bílamenningunni í Reykjavík. Salvör Jónsdóttir og Guðrún Gísladóttir voru leiðbeinendur.

Nýjustu tölur má finna í könnuninni Ferðir íbúa höfuðborgarsvæðisins sem sýna enn meiri hjólreiðar. Af þeim 4.853 sem svöruðu hjóluðu 61% og þar af 12,4 % allt árið. Á sumum svæðum var hlutfall þeirra sem hjóla allt árið mun hærra;  Miðbær og Tún 20%, Hagar, Melar og Nes 17%, Múlar og Sund 16%.

Götunum sem lokað var í miðbæ Reykjavíkur breytast úr ferðaleiðum í aðlaðandi staði samkvæmt rannsóknarhópnum Borghildi eins og kom fram í frétt Stöðvar 2. Borghildur stóð fyrir viðhorfskönnun um göngugötuna Laugaveg í lok júní. „Athygli vakti að nokkrir rekstraraðilar sem voru á móti tilrauninni tóku sérstaklega fram að þetta myndi líklega ekki hafa neikvæð áhrif á þeirra eigin rekstur en að þeir væru engu að síður á móti tilrauninni til að sýna samhug með öðrum rekstraraðilum.“

Hjólaþjófnaður er vandamál sem lögreglan sinnir stundum ekki nógu vel og fær því að viðgangast. Lögreglan í Amersfoort í Hollandi vildi gera betur og setti í gang sex mánaða átak í desember síðastliðnum. Hún kemur fyrir nokkurskonar tálbeitum, hjólum sem stundum eru læst og stundum ekki, en öll eru þau búin GPS staðsetningarbúnaði sem gefur lögreglunni merki þegar hjólið er tekið og vísar henni beint á þjófinn.

Stúlkur sem hjóla eða ganga til skóla fá betri einkunnir og skora hærra í greindarmælingum, ef marka má nýlega spænska rannsókn frá Spanish National Research Council, rannsóknarstofnun í eigu ráðuneytis menntunar og þróunar þar í landi. Sama virðist ekki gilda um drengi, því ekki fannst sjáanlegur munur á námsárangri drengja sem gengu eða hjóluðu í stað þess að vera keyrðir til skóla. þátttakendur í rannsókninni voru um sautján hundruð táningar í fimm borgum. Sextíu og fimm af hundraði sögðust ganga eða hjóla til skóla á morgnanna. Um níu hundruð stúlkur tóku þátt í rannsókninni.

Hér er er að finna erindi ráðstefnu sem haldin var í Óðinsvé 9-10. júní 2010. Þar eru fjölmörg erindi sem tengjast þörfum eldra fólks í tengslum við hjólreiðar frá Danmörk, Hollandi og Bretlandi.

http://www.aeneas-project.eu/?page=odensetrainingworkshop

Nú að loknum sveitastjórnarkosningum koma margir nýjir aðilar að borðinu í við stjórn og skipulagningu samgöngumála. ECF evrópusamband hjólreiðamanna sem LHM er aðili að hefur verið þáttakandi í verkefninu Presto. Þar hefur verið safnað saman þekkingu á því hvernig best er standa að málum þegar auka á hlut reiðhjólsins. Þetta ættu allir sem málið varðar lesa áður en lengra er haldið því þarna er bent á margar leiðir og sem ekki hafa verið prófaðar á Íslandi enn en eru líklegar til árangurs enda hafa þær sannað sig annars staðar í Evrópu.

27-28. maí var haldin ráðstefna um mjúka vegfarendur (Svage trafikanter) í Kaupmannahöfn.

Hér er finna erindi sem voru á þeirri ráðstefnu, m.a. eitt frá Íslandi.

Mexikóborg hefur nýlega bakkað með löggjöf sem reyndi að þvinga hjólreiðamenn til að nota hjálma. Hér er frásögn af aðdraganda hjálmaskyldu og hvernig og með hvaða rökum var snúið við.

Það er leitun að góðum kynningum á hjólreiðum sem hvetja til hjólreiða á áhrifaríkan hátt. Enn meiri leitun er að góðum kynningarmyndböndum sem eru virkilega góðar.  En Con Bici al Instituto  og Bacc hefur tekist sérlega vel upp í gerð þessa myndbands sem að auki sýnir nokkur þau atriði sem ber að forðast og hvernig er öruggast að bera sig að. 

Það munar um verulega um það að hjóla til og frá vinnu þó leiðin sé ekki löng og það þarf ekki sérstakan hjólafatnað eða að hjóla sig kófsveittann til að njóta ávinningsins. Dánartíðni þeirra sem hjóla reglulega er 30% lægri en hinna og það er árangur sem engin pilla leikur eftir.

Í desember 2008 kom út ágæt skýrsla hjá Vegagerðinni sem ber nafnið: "Stofnbrautir hjólreiða - Rýni áætlana". Verkefni þetta er tilkomið vegna hugmynda um uppbyggingu samgöngunets hjólreiða á höfuðborgarsvæðinu og nýfenginnar heimildar Vegagerðarinnar til að veita fé til hjólreiðastíga.

LHM hefur barist fyrir því að hjólreiðamenn fái að nota þær forgangsakreinar sem miklu skattfé almennings hefur verið varið í. Í dag eru aðeins skilti og merkingar sem segja til um hverjir mega nota þær en í þeim drögum að nýjum umferðarlögum sem sýndar voru í september 2009 var gert ráð fyrir að sveitafélög settu reglur um notkun þessara sérreina.

En hver var tilgangurinn með lagningu þessara forgangsakreina?

Samkvæmt þessari frétt frá Ísrael stendur til að aflétta skyldunotkun reiðhjólahjálma að hluta til. Þetta er gert í ljós þeirrar reynslu að skyldunotkun reiðhjólahjálma elur á ótta, hún hræðir fólk frá því að nota hjólið til samgangna og í bílana með tilheyrandi aukningu í umferð einkabíla, aukinni mengun og slysum.

Ein ástæðan fyrir því að LHM er á móti því að notkun reiðhjólahjálma verði skylduð með lögum er sú að við teljum það engan glæp að hjóla án reiðhjólahjálms en í Dallas er fólk sektað og sent fyrir dómstóla fyrir það eitt að hjóla án reiðhjólahjálms.