Þær eru einstakar jólamyndirnar frá hinum sjálfstætt starfandi ljósmyndara Laurence Crossman-Emms. Hann og félagi hans Duane Walker fengu þá hugdettu korter fyrir jólin 2011 að gera jólakort eftir eigin höfði og hefur það orðið að hefð hjá þeim að útbúa nýtt kort.

Leikurinn Pokémon Go hefur slegið rækilega í gegn með því að tengjast sýndarveruleika leiksins raunheimum. Reyndar getur leikurinn gripið svo athygli fullorðinna að þeir hlaupa út á götu eftir pokémon líkt og börn eftir bolta með tilheyrandi slysahættu.

Listamaðurinn Mick Davis vinnur verkin sín úr óvenjulegu hráefni eða gömlum reiðhjóladekkjum. Eftir ýmsar tilraunir með hráefnið varð til verkið Le Poete eða skáldið.

Eftir hörmungaratburði síðustu helgar í París sáu margir í sjónvarpsfréttum Davide Martello spila lagið Imagine eftir John Lennon á flygil fyrir utan Bataclan Theatre. Það sem færri vita er að hann kom hjólandi með þennan ferðaflygil í eftirdragi.

Tom Smuts framleiðandi Mad Men þáttaraðarinnar vakti athygli þegar hann hjólaði til Emmy verðlaunahátíðarinnar spariklæddur ásamt fleiri stjörnum. Þetta er hans framlag til að hvetja til hjólreiða og bættri aðstöðu til hjólreiða í bílaborginni Los Angeles. Hann leggur áherslu á að hann vilji bæta samskipti þeirra sem hjóla og þeirra sem keyra. Það sé allt of mikil ágreiningur á milli hópanna og þetta sé hans leið til að gera lyfta tóninum í baráttunni, gera hana skemmtilegri og stílhreinni.

Janet Lafleur heldur úti blogsíðu með yfirskriftinni Ein kona. Mörg reiðhjól. Og undirskriftin er Hjólar í háum hælum, brunar niður brekkur, skvettir í pollum og er að löngu eftir að dimmir.

Fjórir bræður láta sig dreyma um ferðalag meðfram kyrrahafsströndinni þar sem allir 17 fjölskyldumeðlimir, á aldrinum 6 ára til 60, taka þátt. Þau myndu taka skrítnu sérsmíðuðu hjólin sín með, ferðast um með afar skrautlegum hætti og sofa bara einhversstaðar.

Hin breska Maria Leijerstam stefnir á að verða fyrst til að hjóla á Suðurpólinn. Leiðin liggur um eitt harðgerasta svæði jarðar og eins og sést á myndinni fyrir ofan er farartækið þriggja hjóla dogg hjól (e: recumbent trike). Hún æfði meðal annars á Íslandi og þó hún ætli að ferðast þetta ein og óstudd er trukkur frá hinu íslenska fyrirtæki Arctic trucks ekki langt undan ef eitthvað kemur upp á og hér sést hún m.a. við æfingar á Íslandi. Maria valdi sér leið sem ekki hefur verið farin áður.