Margir þekkja Google Street View, þar sem hægt er að skoða götur í borgum í þrívídd rétt eins og maður væri staddur þar. Nú er verið að útvíkka verkefnið í hinni hjólavænu Kaupmannahöfn með því að mynda hjólaleiðir með sérsmíðuðu Google Street View hjóli. Nú þegar er búið að kortleggja og mynda 300 kílómetra af hjólabrautum, stígum í gegnum garða og göngugötur. Það er stefnt að því að hjóla ekki færri en 3000 km. á þessu 150 kg. hjóli svo það verður spennandi að geta ferðast eftir fleiri leiðum er akbrautum í þessum Street View heimi.

Nú er hægt að panta sér hnakkhlífar sem eru framleiddar á Ísafirði.

Sjá nánar:

Það er mikið úrval af vönduðum flottum hjólatöskum í boði undir vörumerkinu Fastrider. Þær eru framleiddar af hollensku fyrirtæki sem er leiðandi á hjólatöskumarkaðnum í Hollandi.

Cyclehoops er einföld og góð hjólastæðalausn. Þessa hjólahringi er hægt að setja á staura sem þegar eru til staðar s.s. ljósastaura, skilti og stöðumæla og breyta þeim þar með í góð hjólastæði. Það fer lítið fyrir þeim og þeir sýna að hjólið er velkomið á svæðið. Það er mikilvægt að geta læst hjólinu tryggilega við eitthvað sem er nægilega traust. Þó Reykjavíkurborg sé með frábær stæði víða um borgina þá mætti dreifa stæðunum betur með hjólastæðalausn á við þessa.

Væri ekki flott að planta nokkrum hjólatrjám í Reykjavík? Þetta eru sjálfvirkar hjólageymslur sem geyma hjólin með öruggum hætti svo enginn ætti að vera hræddur við að skilja hjólið sitt eftir yfir nótt. Ef nokkur svona hjólatré væru t.d. við Lækjartorg og Hlemm væri auðvelt fyrir þá sem búa langt frá miðbænum að taka strætó þangað, sækja hjólið sitt í hjólatré og hjóla síðasta spottann.

Í umsókn um einkaleyfi sést að Apple er að spá í að bjóða upp á tæki með víðtækari möguleika en þau tæki sem í boði eru í dag. Meðal annars er skráður hraði, vegalengdir, tímar, hæð vega, hækkun og lækkun leiðarinnar, hjartslátt, orkunotkun/bruna, gíranotkun og fl.