Skipulagið felur í sér endurskipulagningu svæðisins fyrir forgangsakreinar hágæða almenningssamgangna, ný gatnamót við Snorrabraut/Bríetartún, nýtt torg og göngugötur, afmörkun byggingarreits fyrir flutningshúsið Norðurpól og ný létt mannvirki fyrir verslun og þjónustu og ný afmörkun deiliskipulagsreita á svæðinu. Síðast en ekki síst festir skipulagið í sessi hjólastíga sem tengja saman stíga á Hverfisgötu og á Laugavegi austan Katrínartúns. Frekari útfærsla er líka á hjólastígum í Borgartúni og á Snorrabraut.
Landssamtök hjólreiðamanna eru mjög hlynnt þessu breytta skipulagi og leggja til að það verði samþykkt.
Samtökin lögðu til tvær breytingar eða skýringar á deiliskipulaginu.
- Lagt er til að leyfa hjólreiðar gegn einstefnuakstri í Grettisgötu (og Miðtúni og Samtúni) og verði hönnun og merkingar miðuð við það.
- Lagt er til að hafa sólarhringsgjaldskyldu á öllum bílastæðum á borgarlandi og sólarhringsopnun í bílastæðahúsum.
Deiliskuplagið auglýst með greinargerð og umferðarskýrslu.
Umsögn LHM.
