Ætli maður að njóta þess að hjóla nokkurn veginn í friði (er það hægt?) eða þar sem þarf að varast bíl við bíl. Á fjallvegum eru kannski ekki nema 30 bílar sjáanlegir á dag en milli Hveragerðis og Selfoss má búast við rununni allan daginn. En hvar eru hjólastígarnir? Og kortið er með ýmsar aðrar gagnlegar upplýsingar. Til dæmis um þjónustu um allt land. Varasamar ár, hvar má búast við roki og sviptivindum, hvar má rekast á gistiskála og hvað er hugsanlega langt í næstu gistingu, kort sem segir til um ferðir strætó. Heilræði – ekki síst til þeirra sem koma að utan og eru erlendir (verður víst að taka það fram á þessum síðustu og verstu . . . ), til dæmis um að það sé gáfulegt að hafa nesti með sér – einkum á hálendisferðum.
Ýmsir vefir eru á kortinu. Það er Hjólafærni á Íslandi sem gefur kortið út. Sesselja Traustadóttir, sem þar ræður ríkjum segir ekkert lát á eftirspurn. Kortið sé afar vinsælt. Á vef Hjólafærni, hjolafaerni.is má líka finna ýmislegt gagnlegt.
Hjólafærni hvetur fólk til að hjóla meira. Fjarlægðir séu í raun og veru stuttar í borgum og bæjum landsins. Það tekur ekki langan tíma að fara allra sinna ferða á hjóli. Hvernig er staðan til dæmis í sveitarfélögum. Lítum á Selfoss: Hér er sýnt hvað má hjóla á 6 eða ganga á 15 mínútum miðað við miðju bæjar.
Þorlákur Helgi Helgason
Uppruni: Fríritið Selfoss 14. tbl. 3. árgangur 17. júlí 2014
http://fotspor.is/?p=12993
Kortið má skoða betur á enska hluta vefs Fjallahjólaklúbbsins: Cycling Iceland map 2014
Einnig á enska hluta vefs Vegagerðarinnar: Cycling map and bicycle servie around Iceland.
6 mínútna kort fyrir helstu þéttbýliskjarna má sjá hér á vef Hjólafærni á Íslandi: 6 mínútna kort
