Samgönguáætlanir eru þingsályktanir sem binda hendur framkvæmdavaldsins eða fela því ákveðin verkefni með ákveðnu fjármagni.
Í upphafi samgönguáætlunar segir:
Alþingi ályktar, sbr. lög um samgönguáætlun, nr. 33/2008, að fram til ársins 2033 skuli unnið að samgöngumálum í samræmi við áætlun þessa sem felur í sér:
a. stefnu í samgöngumálum og helstu markmið sem vinna skal að,
b. skilgreiningu á grunnneti samgöngukerfisins sem nær til alls landsins og er ætlað að tryggja landsmönnum greiðar samgöngur,
c. áætlun um fjáröflun til samgöngumála,
d. yfirlit um útgjöld til allra helstu þátta í rekstri samgöngustofnana, svo og viðhalds, öryggismála og nýframkvæmda á sviði flugmála, siglingamála og vegamála. Fjárhæðir eru á verðlagi frumvarps til fjárlaga fyrir árið 2019 og eru í milljónum króna.
Áætlun þessi skal taka mið af og vera hluti af heildstæðri samþættri stefnu í samgöngumálum, fjarskiptamálum, byggðamálum og málefnum sveitarfélaga og gerð í samræmi við samþykktar áætlanir á vegum Alþingis og ríkisstjórnar.
Vefur Alþingis með alla málsmeðferð þingsins og umsagnir:
Fimm ára samgönguáætlun 2019–2023.
Fimmtán ára samgönguáætlun 2019–2033.
Umsögn LHM um fimm ára samgönguáætlun 2019–2023.
Umsögn LHM um fimmtán ára samgönguáætlun 2019–2033.
Helstu atriðin í umsögnum LHM er meðal annars að lagt er til að;
- LHM mælast til þess að lagt verði fyrir Alþingi þingsályktunartillaga um Hjólreiðaáætlun eða Áætlun um vistvæna samgöngumáta. Hún verði endurskoðuð á sama tíma og samgönguáætlun og fjárhæðir samgönguáætlunar taki tillit til áherslna stjórnvalda í hjólreiðaáætlun eða áætlun um vistvæna samgöngumáta. Í áætlun stjórnvalda um vistvænar samgöngur verði mörkuð stefna um hlutdeild (modal split) vistvænna samgöngumáta af heildarferðafjölda.
- Meira fé verið lagt í nýframkvæmdir fyrir vistvæna samgöngumáta. LHM leggja til að þetta hlutfall verði hækkað upp í um 10% af nýframkvæmdum við vegi.
Margvíslegar aðrar tillögur og athugasemdir eru í umsögnunum sem má lesa í tenglum hér að ofan.
