Hjólreiðar lengja lífið!
Það er ánægjuleg staðreynd að með því að hjóla að staðaldri til samgangna er fjárfest í lengra og heilnæmara lífi, samkvæmt fjölda rannsókna Hjólreiðar eru mjög holl hreyfing, Reiðhjólið er eina ökutækið fyrir einstaklinga sem maður getur með nokkru móti sagt að samrýmist sjálfbærri þróun, á heimsvísu
Samgönguhjólreiðar?
Já, hjólið er fyrirmyndar samgöngutæki. Hjólreiðamenn geta samlagast umferðinni, tamið sér að hræðast hana ekki né forðast. Þeir stjórna hjólinu að miklu leyti eins og öðru ökutæki og bregðast með virkum hætti við þeim aðstæðum sem upp koma á þann hátt sem er öruggastur og auðveldastur.
Verkefnastjórn Hjólafærni vorið 2008 skipa:
Sesselja Traustadóttir
Morten Lange
Páll Guðjónsson
Kjartan Guðnason
Guðný Katrín Einarsdóttir
Árni Davíðsson
Bjarney Gunnarsdóttir
Hjólafærni - Hvert stefnum við?
Þetta verkefni snýst um að innleiða þjálfun í Hjólafærni á Íslandi. Að því stuðla m.a. eftirfarandi þættir:
• Halda námskeið fyrir íslenska hjólreiðamenn sem vilja kenna hjólreiðar. Til þess ráðum við sérþjálfaða breska kennara í Hjólafærni til landsins.
• Tilraunakennsla í Hjólafærni við Álftamýrarskóla veturinn 2008 - 2009
• Útbúa kennsluefni/vefefni sem styður við kennsluna í Hjólafærni.
• Leggja til við menntamálaráðuneytið að lagt verði í gerð íslenskrar námskrár í Hjólafærni.
• Leggja í ímyndarherferð um ágæti og kosti hjólreiða.
• Vinna að öflugu samvinnuteymi hagsmunaaðila um verkefnið og fjármögnun þess.
• Vinna með upphaf og viðmótsgreiningu á Hjólafærni sem meistaraverkefni verkefnisstjóra í Lýðheilsuvísindum í HÍ.
Umferð og hjólreiðar á Íslandi
Nýleg könnun sýnir að umferðarfræðsla samkvæmt námskrá er ekki kennd sem skyldi í grunnskólum.
Samkvæmt umferðarlögum eru hjólandi fullgildir þátttakendur í umferðinni á götunni. En á Íslandi hefur aldrei verið unnið markvisst með hjólandi vegfarendum á vettvangi eða með hliðsjón af lögunum.
Reynslan af námskeiðum í hjólafærni er að þátttakendur öðlast bæði færni, ábyrgðartilfinningu og öryggi í umferðinni.. European Cyclists’ Federation hefur heitið að stórefla þjálfun í hjólafærni, sem helsta framlag aðildarfélaga ECF að Evrópskri áætlun um eflingu umferðaröryggis.
Námskeiðin stuðla líka að auknum hjólreiðum til samgangna. Ástralskar rannsóknir sýna svo ekki verður um villst að með samhentu átaki er hægt að hafa varanleg áhrif á val fólks á ferðamáta. Strætó, hjól, ganga og samnýting bíls til og frá vinnu og skóla.
Flest börn á Íslandi koma gangandi í skólann. Mörgum börnum sem vilja hjóla er ekki leyft það. Að hluta vegna ótta um öryggi þeirra og að hluta vegna ótta við stuld og skemmdarverk á reiðhjóli.
Þannig missa mörg börn af tækifæri til að kynnast þessum samgöngumáta. Hjólreiðar til samgangna bjóða upp á meira frelsi og sjálfstæði, þroskandi áhrif, heilbrigði og minni umhverfisáhrif, borið saman við skutlið, sem margir foreldrar standa í.
Hjólafærni á Bretlandi
Hugmyndafræðin að baki verkefninu Hjólafærni kemur frá Bretlandi, en samskonar fræðsla er líka til í öðrum löndum. John Franklin er opinber ráðgjafi verkefnisins. Hann kom til Íslands og kynnti Hjólafærni (e. Bikeability) á Samgönguviku sl. haust í boði Landssamtaka hjólreiðamanna. Bretar hafa sett sér það markmið að árið 2011 sé tryggt að öll 11 ára börn í landinu njóti Hjólafærniþjálfunar, á stigi 2.
Hjólreiðakennari ráðinn til landsins
24. apríl 2008 réð verkefnastjórn fyrsta hjólreiðakennarann til Íslands.
Námskeiðið fer fram 17. - 24. maí nk. Hafðu samband við Sesselju,
Fjármögnun
Hjólafærni er sannanlega þarft verkefni og kostar sitt. Við höfum fengið styrk úr þróunarsjóði Menntasviðs Reykjavíkur, Pokasjóði og frá Íslenska fjallahjólaklúbbnum. Frjáls framlög eru velkomin.
Bankareikningurinn er 0111-26-009021, kt. 640399-2289
Tenglanet
Unnið er markvisst að kynningu Hjólafærni á meðal allra þeirra sem við teljum að sjái hag í auknum vistvænum ferðalögum í borginni. Verkefnið hefur þegar fengið mjög jákvæð viðbrögð frá tengiliðum í mörgum stofnunum. Ert þú með hugmynd að góðu fólki, fyrirtækjum eða stofnunum sem ættu að vera með í liðinu? Sendu um það línu á
