Stjórnendur snjóhreinsunar skoðuðu í september hvar líklegt er að trjágróður muni hindra för snjóruðningstækja á forgangsleiðum og fundu um 1.500 staði. Þar af voru um 200 staðir sem tilheyra borginni sjálfri og að undanförnu hafa starfsmenn gert átak í að klippa trjágróður á borgarlandi.
Reykjavíkurborg hvetur garðeigendur að huga að trjágróðri sem vex út fyrir lóðarmörk, ekki eingöngu vegna snjóruðningstækjanna, heldur einnig til að sýna samborgurum sínum tillitssemi. Greinar sem hjólreiðafólk lendir á geta valdið slysum. Þá er einnig mikilvægt að huga að gróðri sem vex fyrir umferðarmerki eða byrgir götulýsingu.
Upplýsingasíða: Trjágróður út fyrir lóðarmörk
Tengd frétt: Klippa trjágróður af kappi
Mynd: Garðeigendur hugi að gróðri sem vex út fyrir lóðarmörk.
Frá LHM:
Landssamtökin taka undir þessa áskorun borgarinnar. Snjóruðningstækin eru ekki látin aka um stíga og gangstéttir til gamans heldur til að greiða leið gangandi og hjólandi vegfarenda.
Greinar sem skaga út á stíga og gangstéttir geta skapað hættu og óþægindi fyrir gangandi, hlaupandi og hjólandi vegfarendur.
Mikill og þéttur gróður of nálægt stígum skerða líka sýn og geta valdið slysum og árekstrum.
