Gert er ráð fyrir blandaðri byggð íbúða, verslunar og þjónustu. Fjöldi íbúðareininga geti orðið allt að 500 í fjölbýli, um 9.000 m2 ætlaðir heilbrigðistengdri þjónustu, um 20.000 m2 ætlaðir undir skrifstofur, um 3.500 m2 fyrir verslanir o.s.frv. Hæðir húsa verði 3-6 og kennileitisbygging heilsuklasa geti orðið allt að 9 hæðir.
Gert er ráð fyrir að lega Borgarlínu geti orðið um miðju Arnarlands eða á jaðri þess meðfram Hafnarfjarðarvegi en endanleg lega hennar getur ekki ákvarðast fyrr en að hönnun hennar liggur fyrir í áætlunum. Drögin gera ráð fyrir að umferðartengingar verði frá Fífuhvammsvegi og í undirgöngum undir Arnarnesveg frá hringtorgi á mótum Akrabrautar og Miðakra.
Umsögn LHM snýr fyrst og fremst að legu og fyrirkomulag gatna og stíga og því að á áhrifasvæðum Borgarlínu rísi byggð sem getur orðið hvati til breyttra ferðavenja og boðið upp á líflegt og fjölbreytt umhverfi. LHM eftir því að tekið verði tillit til athugasemda samtakanna í frekari úrvinnslu skipulasgtilagnanna.
