Gerð brautarinnar má sjá á uppdrættingum hér að ofan. Brautin er hluti af fyrirhuguðum framkvæmdum á svæðinu en þar er einnig áætlað að gera leiksvæði og bæta aðstöðu.
Hjólabrautin er um 440 metrar að lengd og er hugsuð fyrir alla hjólaglaða. Þá þykir hún sérstaklega spennandi fyrir börn og unglinga sem vilja spreyta sig á braut þar sem styrkur, jafnvægi og spenna er í forgrunni. Frágangi í kringum brautina verður lokið á næstu vikum.
Það er tilvalið fyrir íbúa Garðabæjar að kíkja á brautina og þar sem þetta er ein fyrsta brautin á höfuðborgarsvæðinu er það skemmtilegt fyrir íbúa nágrannasveitarfélaganna hjóla þangað og spreyta sig í brautinni.
Staðsetningu brautarinnar má sjá hér á loftmynd.
Hjólað í brautinni.
