Damien Ó Tuama - Reflections on the Growth of Everyday Cycling in Dublin City.

Damien Ó Tuama

Hann stýrir hjólamálum á landsvísu (National Cycling Coordinator) hjá Cyclist.ie - Hjólreiðasamtökum Írlands sem eru aðili að hjólreiðasamtökum Evrópu ECF.com. Síðustu tvö ár hefur hann verið stjórnarmaður í Hjólreiðasamtökum Evrópu. Hann er fræðimaður sem hefur rannsakað samgöngur og verið ráðgjafi og var aðalhöfundur Hjólreiðaáætlunar Írlands sem birt var árið 2009 (http://www.smartertravel.ie/content/national-cycle-policy). Hann lauk doktorsnámi árið 2015 frá Trinity College í Dublin og fjallaði verkefnið um umbreytingu samgöngukerfa. Fyrir utan hjólreiðar hefur hann áhuga á að leika pool, smíða úr tré og stunda félagslífið í Dublinar borg.

Síðast liðinn 10 ár hafa daglegar hjólreiðar í Dublin ríflega tvöfaldast og nú er svo komið að um 10% ferða eru farnar á reiðhjóli. Í fyrirlestrinum ætlar Damien að fjalla um þá þætti sem hafa spilað saman í því að endurskapa öfluga hjólamenningu í höfuðborg Írlands. Meðal annars mun hann ræða hvernig samgöngustefna borgarinnar hefur mótast af kröfum notenda og hvaða aðgerðir hafa helst stuðlað að þessari breytingu og um þær félagslegu breytingar sem hafa leitt til vaxtar hjólreiða. Á landsvísu eru hjólreiðar á Írlandi ekki í jafn góðri stöðu. Aðeins 2% ferða eru farnar á reiðhjóli á landsvísu. Í erindi sínu mun Damien fjalla um þær áskoranir sem talsmenn aukinna hjólreiða glíma við í viðleitni sinni að gera hjólreiðar að eðlilegum hluta í samgöngum bæði í dreifbýli og þéttbýli. Damien ætlar einnig að horfa fram á veginn til ráðstefnunnar ‘Velo-city’ sem verður haldin í Dublin í júní 2019 en gert er ráð fyrir að hana muni sækja allt að 2000 manns allstaðar að úr heiminum þar á meðal frá Íslandi.

Enska / English

Damien Ó Tuama

Job and background:

National Cycling Coordinator with Cyclist.ie - the Irish Cycling Advocacy Network.