Margt hefur áunnist á undanförnum árum í því að bæta aðstæður gangandi og hjólandi vegfarenda á Íslandi. Í erindinu verður fyrst og fremst horft fram á veginn en þó ekki án þess að líta aðeins í baksýnisspegilinn. Til þess að val um ferðamáta sé raunverulegt þurfa valkostirnir að vera raunhæfir. Baráttunni fyrir bættum aðstæðum til hjólreiða svipar um margt til jafnréttisbaráttu kynjanna. Það að jafna aðstöðumun mismunandi ferðamáta er ekki bara spurning jafnrétti og frelsi heldur er það einnig mikilvægur þáttur í að stuðla að bættri heilsu þjóðarinnar og leið til að að standa við skuldbindingar okkar í loftslagsmálum.
Guðbjörg Lilja Erlendsdóttir er verkfræðingur á skrifstofu samgöngustjóra og borgarhönnunar Reykjavíkurborg. Hún hefur lengi unnið að framgangi hjólreiða sem samgöngumáta, bæði í starfi og í gegnum frjáls félagasamtök eins og Landssamtök hjólreiðamanna og Hjólafærni á Íslandi.
