Hjólum til framtíðar 2019

Örflæði: Létt farartæki fyrir stuttar ferðir 

Jökull Sólberg Auðunsson er ráðgjafi hjá Parallel ráðgjöf. Hann er einna af stofnendum breska fyrirtækisins Takumi og heldur úti fréttabréfinu Reykjavík Mobility. 

Tilgangur Samgöngustofu er að stuðla að öruggum samgöngum.  Í erindinu er lögð áhersla á mikilvægi tillitssemi í umferðinni og öruggra aðstæðna fyrir alla vegfarendur.  Þá er einnig rætt mikilvægi þess að reglur séu skýrar og farið sé eftir þeim.  Farið er yfir verkefni Samgöngustofu til að sinna hlutverki sínu.

Margt hefur áunnist á undanförnum árum í því að bæta aðstæður gangandi og hjólandi vegfarenda á Íslandi. Í erindinu verður fyrst og fremst horft fram á veginn en þó ekki án þess að líta aðeins í baksýnisspegilinn. Til þess að val um ferðamáta sé raunverulegt þurfa valkostirnir að vera raunhæfir. Baráttunni fyrir bættum aðstæðum til hjólreiða svipar um margt til jafnréttisbaráttu kynjanna. Það að jafna aðstöðumun mismunandi ferðamáta er ekki bara spurning jafnrétti og frelsi heldur er það einnig mikilvægur þáttur í að stuðla að bættri heilsu þjóðarinnar og leið til að að standa við skuldbindingar okkar í loftslagsmálum.

Samtök Sveitarfélaga á höfuðborgarsvæðinu og Vegagerðin vinna að því að gefa út sameiginlegar hönnunarleiðbeiningar fyrir hjólreiðar. Þær byggja á fyrrum leiðbeiningar Reykjavíkurborgar og voru gefnar út sem drög í fyrra. Síðan þá hafa hönnuðir og hagsmunaaðilar skilað inn athugasemdum og búið er að taka tillit til þeirra. Einnig er búið að uppfæra leiðbeiningarnar út frá nýju umferðarlögunum sem voru samþykkt á alþingi í sumar. Vinnan við hönnunarleiðbeiningarnar er nú á lokametrunum og verða þær fljótlega gefnar út.

Geta rafmagnshjól breytt ferðavenjum – Tilraun með útlán á rafmagnshjólum hjá Reykjavíkurborg

Reykjavíkurborg hefur árið 2018 og 2019 staðið fyrir tilraunaverkefni með útláni á rafmagns reiðhjólum til almennings á tímabilinu maí – október. Tilgangur verkefnisins er að meta hversu mikil áhrif rafmagnsreiðhjól geta haft á ferðavenjur einstaklinga sem að jafnaði hafa notað einkabil sem sinn aðalferðamáta til og frá vinnu. Sagt er frá mjög áhugaverðum niðurstöðum verkefnisins 2018 sem byggir á könnunum þátttakenda í verkefninu. Kannanir sem voru framkvæmdar fyrir þátttöku, á meðan þátttöku stendur og nokkrum vikum eftir þátttöku.

Skilgreindar hafa verið lykilleiðir hjólreiða á höfuðborgarsvæðinu sem hafa það markmið að fjölga hjólreiðafólki og bæta þjónustu við hjólreiðafólk. Lykilleiðirnar tengja saman sveitarfélög og hverfi og gera stofnstígakerfið að raunverulegum valkosti sem samgöngumáta svo að hægt sé að hjóla allan ársins hring.

VSÓ Ráðgjöf hefur frá árinu 2005 þróað umferðarlíkan fyrir höfuðborgarsvæðið. Líkanið hefur verið notað við gerð flestra stærri skipulagsáætlana á höfuðborgarsvæðinu. Í fyrstu var einungis um bílalíkan að ræða en líkanið hefur verið þróað og útfært á ýmsan hátt; m.a. með líkani fyrir þungaumferð, líkani fyrir umferð á þjóðvegum landsins (landslíkan), háannatímalíkani. Auk þess hefur talsvert verið lagt í þróun líkans fyrir almenningssamgöngur. Í þeim tilgangi að þróa líkanið enn frekar í átt að fjölferðamátalíkani (e. multi-modal) var fyrir nokkrum árum hafist handa við þróun líkans fyrir hjólandi umferð – hjólalíkans.

The Netherlands is moving more and more towards a cycle centred urban mobility. Car traffic is becoming too damaging to urban life: Air quality, quality of life, too much space consuming, safety, noise. Most cities experience a quantity of cars that is way beyond the carrying capacity of the city. The Netherlands are accelerating the efforts towards a society where the bicycle will be the main mode for urban transport. Government and a lot of private companies join forces in the Tour de Force. Mobility as a Service and Park + Bike play a central role in these developments. Recent studies show that investing in bicycle and public transport are way more effective in improving urban accessibility than investing in car infrastructure.