Skráning er hafin í stærstu fjallahjólakeppni ársins Blue Lagoon Challenge. Keppnin fer fram 11. Júní og verður öll hin glæsilegasta. Keppnin hefur fyrir löngu öðlast mikilvægan sess í dagatali hjólamanna á Íslandi og markað upphafið að hjólaferli margra. Frábær stemning einkennir keppnina sem er ennfremur hluti af Landvættaáskoruninni.
Keppnin hefur vaxið jafnt og þétt frá því hún var fyrst haldið árið 1996 þegar 12 hjólamenn kepptu sín á milli á leið sem liggur frá Hafnarfirði í Bláa Lónið um krýsuvikurveg og Djúpavatnsleið. Í fyrra voru 650 keppendur sem hjóluðu leiðina og komust færri að en vildu.
Í fyrra var hvert metið af öðru slegið, bæði hvað þátttöfjölda varðar en líka bestu tímar sem náðst hafa í karla- og kvennaflokki. Von er á mörgum sterkum erlendum keppendum í ár en langstærsti hluti þátttakenda eru áhugasamir hjólreiðamenn sem vilja reyna sig í skemmtilegri og krefjandi keppni.
Skráning og nánari upplýsingar má finna á vefsíðu keppninnar:
http://bluelagoonchallenge.is/
Kveðja
Stjórn HFR