Flokkur: Fréttir LHM

Ályktun umferðarráðs um hjólreiðar

Umferðarráð samþykkti eftirfarandi ályktun um hjólreiðar og gagnkvæma tillitssemi 14.maí

Umferðarráð vill minna á sívaxandi hóp fólks sem notar reiðhjól sem samgöngutæki og hjólar eftir götum eins og lög segja til um. Nú eru yfir 7000 þáttakendur í keppninni "Hjólað í vinnuna". Ökumenn bifreiða eru hvattir til að virða rétt þeirra og sýna tillitssemi. Reiðhjól eru ökutæki í umferðinni sem fara oftast hægar en bifreiðar. Ökumenn bifreiða þurfa að gefa reiðhjólafólki nægjanlegt rými þegar þeir taka framúr. Þar sem aðstæður á götum eru þröngar eiga bílstjórar að bíða með framúrakstur þar til það er öruggt. Hjólreiðamönnum ber að sýna annarri umferð fulla tillitssemi og hleypa hraðskreiðari umferð framúr, þegar það er óhætt. Ennfremur að virða forgangsrétt gangandi vegfarenda á gangstéttum og á blönduðum útivistarstígum.

Flokkur: Fréttir LHM

80% hjálmarnir - trúarbrögð eða vísindi?

Í Fréttablaðinu í dag 7. maí 2009 var smá innslag frá Landsbjörg með tvem alröngum fullyrðingum. Þar héldu þau eftirfarandi fram: 

"Sýna athuganir að hjálmur ver fyrir alvarlegum höfuðáverkum í 80 til 85 prósentum tilfella en alvarlegustu slysin verða þegar hjólað er í bílaumferð."

Þetta kalla ég að ala á ótta og hræða frá hjólreiðum. Þarna er verið að vísa í 20 ára gamla rannsókn sem reynst hefur meingölluð eins og fjölmargir fræðimenn hafa bent á. Megingagnrýni á rannsóknina er að hún ber saman tvo hópa sem eru of ólíkir til að hægt sé að draga nokkrar áliktanir af niðurstöðum rannsóknarinnar. Marg oft hefur verið farið yfir þessa rannsókn og sýnt fram á aðferðafræðilega galla hennar. Hér er góð úttekt á markleysi niðurstaðna rannsóknarinnar og bent á að draga megi í efa hlutleysi höfunda hennar þar sem þeir eru miklir talsmenn hjálmaskyldu, rétt eins og Landsbjörg. Þar er bent á að ef sömu tölur eru bornar við stærri og marktækari hóp frá sama tíma er niðurstaðan sú að gagnsemi hjálmanna sé hverfandi. {jathumbnail off}
Flokkur: Fréttir LHM

Hjólað í vinnuna hefst miðvikudaginn 6. maí

brochure_icon_sm.jpgFrá árinu 2003 hefur Íþrótta- og Ólympíusamband Íslands ásamt ýmsum samstarfsaðilum s.s. Landssamtökum hjólreiðamanna staðið myndarlega að því að efla hreyfingu og starfsanda á vinnustöðum með heilsu- og hvatningarátakinu “Hjólað í vinnuna”. Megin markmið átaksins er að vekja athygli á hjólreiðum sem heilsusamlegum, umhverfisvænum og hagkvæmum samgöngumáta.
Starfsmenn vinnustaða hér á landi hafa tekið vel við sér því þátttakan hefur margfaldast þau sex ár sem verkefnið hefur farið fram (hér í töflunni fyrir neðan má sjá samanburð á milli ára). Í upphafi stóð átakið yfir í eina viku, næstu þrjú ár í tvær vikur og á síðast ári var það í þrjár vikur. Hjólað í vinnuna mun fara fram dagana 6. – 26. maí 2009.  Vefur Hjólað í vinnuna

Flokkur: Fréttir LHM

Málþing um lýðheilsu og skipulag

Dagana 27. mars - 29. mars stendur Arkitektafélag Íslands fyrir málþingi um lýðheilsu og skipulag í Ráðhúsi Reykjavíkur.

Ekki færri en 22 erindi verða, en auk þess verða pallborðsumræður með 3 til 5 frummælendum í senn. Vert er að nefna að stjórnarmaður í Samtökum um bíllausan lífsstil,  Ásbjörn Ólafsson, ( verkfræðingur hjá Vegagerðinni)  heldur erindi um samtökin um kl. 17:50 á föstudaginn 17.mars. Morten Lange, formaður Landssamtaka hjólreiðamanna (og eining verkfræðingur) heldur erindi um kl. 14:55 , sunnudaginn 29. mars sem nefnist "Hjólreiðar raunhæfasta lausnin (5 fyrir 1)"

Flokkur: Fréttir LHM

Ályktun Umferðarráðs 19. febrúar sl.

Samgönguráðherra, Kristján L. Möller hefur skipað nýtt Umferðarráð sem kom saman til síns fyrsta fundar 19. febrúar sl.

Umferðarráð sendir frá sér eftirfarandi ályktun:

Nú þegar hafa þrír einstaklingar látist það sem af er þessu ári í umferðarslysum. Það er óásættanlegt. Þrátt fyrir að fjöldi látinna í umferð hafi verið með lægsta móti á síðasta ári er full ástæða til að halda vöku sinni og slá hvergi af í baráttunni gegn umferðarslysum. Markmið okkar er að enginn látist í umferðarslysum og alvarlegum slysum í umferð fækki til muna. Bent er á í þessu sambandi að ekkert banaslys varð á sjó á síðasta ári hér við land, sem er afrakstur áralangrar baráttu fyrir öryggi sjómanna. Sama þróun hefur átt sér stað í flugi, en enginn hefur látið lífið í íslenskt skráðu loftfari á síðastliðnum átta árum. Það gefur okkur von um að slíkum árangri sé hægt að ná í umferðinni. Umferðarráð hvetur eindregið til þess að landsmenn allir og stjórnvöld stuðli að því að slík framtíðarsýn sé möguleg.

Flokkur: Fréttir LHM

Fundað um málafærsluvinnuna og fl.

Af fundi LHMStjórn LHM og fleiri funduðu í dag. Katrín Jónsdóttir talar hér um lobbýisma eða málafærsluvinnu eins og hún kýs að kalla það á íslensku og starf í félagasamtökum eins og okkar. Ýmsar nýjar hugmyndir kviknuðu hjá okkur sem vonandi nýstast okkur í framhaldinu. Sjá meira um fundinn hér.