World Naked Bike Ride hreyfingin stendur fyrir fáklæddum hjólalestum víða um heiminn og þangað má rekja innblásturinn að þessum viðburð þó eitthvað sé nektin minni. Sumir klæddu sig í anda Cycle Chic og komu klæddir flottum fötum, litasamhæfð með hönskum og öllu. Ein hafði sérsaumað grænt öryggisvesti með endurskyni.

Þetta er lífleg og jákvæð leið til að draga athygli að jákvæðum þáttum hjólreiða, og að það þurfi að gera betur þannig að fleiri þora að hjóla, og fá þannig einstakt tækifæri til að efla heilsu og stór minnka umhverfisáhrif af sínum samgöngum.

Hópurinn hjólaði líka eftir nýju tilrauna hjólreininni upp Hverfisgötu sem fær að vera út september.

Markmið tilraunarinnar er að vekja athygli á Hverfisgötu, möguleikum hennar og sérstöðu og gera hjólreiðar að fullgildum samgöngumáta á þessari leið.

Hjólareininni og öðrum merkingum er ætlað að skapa umræðu og safna ábendingum um hvað betur má fara áður en hugsanlega verður ráðist í gerð varanlegra hjólareina upp og niður Hverfisgötuna á næsta ári sem hluta af Hjólreiðaáætlun Reykjavíkurborgar. Á næsta ári er fyrirhugað að bæta við 10 km af hjólaleiðum í borginni og mun tilraunin á Hverfisgötu veita Reykjavíkurborg góð gögn fyrir þá vinnu.

Smellið hér til að sjá allar myndirnar