Reykjavíkurmaraþon - sjálfboðaliðar óskast

Í ár munu Landssamtök hjólreiðamanna aðstoða við framkvæmd Reykjavíkurmaraþons þann 18. ágúst næstkomandi. Áhugasamir hjólarar óskast til að hjóla á undan og eftir hlaupurum í öllum vegalengdum hlaupsins. 
Allir ættu að geta fundið vegalengd / hraða eftir áhuga og getu hvers og eins. Fjallahjólaklúbburinn og núna Landssamtök hjólreiðamanna hafa lengi veitt aðstoð sína á þessum skemmtilega degi og þetta er mikilvægur þáttur í fjáröflun Landssamtakanna. Áhugasamir um þátttöku í þessu verkefni eru hvattir til að setja sig í sambandi við Árna, This email address is being protected from spambots. You need JavaScript enabled to view it., gsm 862 9247, www.facebook.com/arni.davidsson .
 
Senda þarf inn nafn, kennitölu, gsm númer, tölvupóst og ósk um vegalengd og hvort maður vill vera undan- eða eftirfari. Haft verður samband við viðkomandi í næstu viku með nánari tilhögun. Fundur verður haldinn í klúbbhúsi Fjallahjólaklúbbsins fimmtudaginn 16. ágúst kl. 20 til undirbúnings og farið yfir hlaupaleiðina.
 
Þegar eru komnir hjólarar sem eftirfarar í 10 km og 21 km. Vegalengdirnar sem eru í boði eru: 
42 km (2 undan- og 2 eftirfarar),
21 km (2 undanfarar),
10 km (2 undanfarar),
3 km (2 undanfarar). 
Tveir undanfarar og tveir eftirfarar eru á hverri hlaupavegalengd nema í 3 km þar sem eru eingöngu undanfarar. Undanfarar hjóla á undan fyrstu hlaupurum og láta brautarverði vita af því að þeir eru að koma, vísa leiðina og hjálpa til að halda brautinni opinni. Þeir þurfa að vera í góðu formi og geta hjólað á um 20 km hraða. Eftirfarar halda utanum síðustu hlauparanna og láta brautarverði vita þegar þeir fara framhjá. Þar skiptir hraði ekki máli en gott að vera vanur að hjóla.
 
Leiðin er sýnd á korti hér: https://www.rmi.is/kort-af-hlaupaleidum
Dagskrá hlaupsins er hér: https://www.rmi.is/dagskra-hlaupadags