Í vetur stóð Landssamtök hjólreiðamanna fyrir verkefni þar sem sjálfboðaliðar töldu reiðhjól við grunnskóla og framhaldsskóla landsins. Af því tilefni óskuðu samtökin eftir þátttöku almennings í verkefninu og tóku margir þátt um allt land. Nú er verkefninu að ljúka á næstu vikum en tekið verður við niðurstöðum allt þar til skólahaldi lýkur núna í sumar.
Við viljum því hvetja alla til að ljúka sínum talningum sem fyrst og skila inn gögnum í þessum tengli: Tengill á könnun
Markmið verkefnisins var að safna upplýsingum um hlutdeild hjólreiða barna í skólann um land allt yfir eitt skólaár hið minnsta. Einnig að kanna aðstöðu fyrir börn til hjólreiða og áhrif veðurs og færðar á hjólreiðar barna í grunn- og framhaldsskólum. Upplýsingarnar verða teknar saman í tölfræði nú í sumar og birtar á vef Landsamtakanna www.LHM.is og vísað til þeirra í umfjöllun samtakanna um þessi mál. Þær verða líka aðgengilegar öllum sem vilja fjalla um þetta málefni. Saman getum við safnað mikilvægum upplýsingum um hjólreiðar barna og haft áhrif á það að börnin okkar fái að tileinka sér þennan holla og skemmtilega lífsstíl.
Gert er ráð fyrir að framhald verði á þessu verkefni næsta haust og verður það kynnt síðar.
Þá er skemmtilegt að setja myndir af reiðhjólum við skóla á samfélagsmiðlum eins og Twitter, Instagram eða Facebook með hashtaginu #reidhjolvidskola.
Nánari upplýsingar:
Póstfang LHM: This email address is being protected from spambots. You need JavaScript enabled to view it.
Póstfang Árna umsjónarmanns könnunar: This email address is being protected from spambots. You need JavaScript enabled to view it.
Heimasíða LHM: www.lhm.is
