Föstudaginn 18. september verður fimmta ráðstefna Hjólafærni og Landssamtaka hjólreiðamanna undir heitinu Hjólum til framtíðar.
Megintilgangurinn með ráðstefnunni er að leggja rækt við virka vegfarendur, ánægjuaukandi hjólreiðar, samfélagslega framlegð, lýðheilsuþátt hjólreiða og skoða umhverfið sem við bjóðum í lífvænni borg.
Við höfum boðið til landsins Dorthe Pedersen frá Cykling uden alder, sem er einstaklega hlýtt og skemmtilegt samfélagsverkefni og hefur sannarlega slegið í gegn í Danmörk og víðar í heiminum. Á Íslandi er einnig hafin vinna við að innleiða verkefnið. Það gengur út á að hjúkrunarheimili eignist sín eigin farþegahjól, sem gera vistmönnum fært að hjóla áfram um bæjarfélagið sitt í samvinnu við sjálfboðaliða úr röðum ættingja, starfsmanna og nágranna.
Yfirskrift ráðstefnunnar fylgir slagorðum Evrópsku samgönguvikunnar í ár: Veljum – blöndum & njótum.
Til að hita vel upp fyrir ráðstefnuna bjóða Hjólafærni og LHM uppá rólega hjólaferð um Höfuðborgarsvæðið þar sem við veltum fyrir okkur þeim breytingum sem hafa orðið á aðstæðum til hjólreiða síðustu árin. Við munum hittast á pallinum á bak við Farfuglaheimilið í Laugardal fimmtudaginn 17. sept kl. 18. Hjólum þaðan í tvo tíma og fáum okkur svo heita súpu á eftir. Myndin er tekin í hjólaferðinni 2014.
Nánari upplýsingar um dagskrá má sjá á vef Landssamtaka hjólreiðamanna; www.lhm.is, þar sem einnig eru upplýsingar um skráningu og aðra viðburði í tengslum við ráðstefnuna.
Hvar: Smárabíó í Smáralind
Hvenær: 18. september 2015, klukkan 9 til 16
Tengiliður: Sesselja Traustadóttir, s. 864 2776 eða This email address is being protected from spambots. You need JavaScript enabled to view it.
Stuðningsaðilar:
