Yfirleitt snýr öryggisbúnaður í bílum að því að hlífa bílstjóra og farþegum en minna hefur verið hugað að þeim sem verða hugsanlega fyrir bílunum. Nýlega kynnti Volvo nýjan öryggisbúnað sem á að skynja hjólreiðamenn sem gætu verið í bráðri hættu á að verða fyrir bílnum. Við þær aðstæður tekur búnaðurinn fram fyrir hendur bílstjórans og bremsar sjálfkrafa til að reyna að forða ákeyrslu. Svipaður búnaður var fyrst kynntur hjá Volvo 2010 en nú er hann orðinn enn nákvæmari. Áður hafa verið kynntir utanáliggjandi loftpúðar sem einnig er ætlað að draga úr alvarleika slysa ef ekið er á gangandi eða hjólandi.Hjólreiðamenn hjá British Cycling benda hinsvegar á að þó þeir fagni slíkum öryggisbúnaði í bifreiðum ætti fólk ekki að treysta um of á að tæknin forði slysum akandi sem annarra. Þau leggja áherslu á að lögbundið verði að einn hluti prófa til ökuréttinda snúi að því að bílstjórarnir gefi hjólandi sérstakan gaum. Einnig að gert verði átak til að bílstjórar gefi hjólandi aukinn gaum í umferðinni líkt og gert hefur verið gagnvart umferð bifhjóla.
Samkvæmt frétt BBC er þessi skynjari aukabúnaður sem kostar 1.850 GBP í Englandi eða um 350.000 kr. Ekki kemur fram hvað loftpúðarnir kosta aukalega.
Sjá nánar frétt BBC hér http://www.bbc.co.uk/news/technology-21688765
Hér eru myndbönd sem lýsa þessum búnaði og annað sem fjallar um loftpúðana.
