Hjólað í vinnuna verður formlega ræst kl. 8:30 miðvikudaginn 4. maí í Reykjavík og á Akureyri.
Í Reykjavík fer hátíðin fram í veitingatjaldinu í Húsdýra- og fjölskyldugarðinum, og þangað mætir einvalalið af ráðherrum ásamt Landlækni og fleiri. Ekki er oft sem svona margir sjáist á einu bretti, á atburðum úti bæ. Er þáttaka þeirra viðurkenning á hversu jákvæðar hjólreiðar séu á mörgum sviðum samfélagsins. Á Akureyri fer opnunin fram á Glerártorgi og flýtur bæjarstjórinn ávarp.
Frítt er inn, en miðað við hámark nokkur manns úr hverju liði sem hefur skráð sér til leiks.
Reykjavík, Fjölskyldu- og húsdýragarðurinn
Þátttakendum er boðið að hjóla við, þiggja ljúffengt bakkelsi og hlusta á stutt og hressileg hvatningarávörp frá Katrínu Jakobsdóttur, mennta- og menningarmálaráðherra, Ögmundi Jónassyni, innanríkisráðherra, Svandísi Svavarsdóttur, umhverfisráðherra, Geir Gunnlaugssyni, Landlækni, Evu Einarsdóttur, formanni íþrótta- og tómstundaráðs Reykjavíkur og Hafsteini Pálssyni, formanni
almenningsíþróttasviðs ÍSÍ.
DR. BÆK verður á staðnum með smurolíubrúsann og skiptilykilinn á lofti.
Eftir ávörpin munu gestir og þátttakendur hjóla átakið formlega af stað.
Akureyri, Glerártorg
Þátttakendum er boðið að hjóla við, þiggja ljúffengt bakkelsi og hlusta á stutt ávarp frá Eiríki Birni Björgvinssyni, bæjarstjóra.
Samstarfsaðilar ÍSÍ vegna Hjólað í vinnuna eru: Lýðheilsustöð, Rás 2, Skýrr,Umhverfissvið Reykjarvíkurborgar, Örninn, Landssamtök Hjólreiðamanna og Fjölskyldu- og Húsdýragarðurinn.
Nánari upplýsingar um Hjólað í vinnuna er að finna á www.hjoladivinnuna.is
(Texti sótt af fréttabréfi til liðsstjóra, 2. maí 2011, nema hluti af inngangi )