Í frétt á vef Eyjafjarðarsveitar kemur fram að Eyjafjarðarsveit hyggst leggja 7.200 metra langan hjólreiða- og göngustíg á milli Akureyrar og Hrafnagils sem hluta af verkefninu hjólreiða- og göngustígur í Eyjafjarðarsveit.
Verklok eru áætluð 1. desember 2017. Tilkynningin hljóðar svo:
Eyjafjarðarsveit óskar eftir tilboðum í verkið Hjólreiða- og göngustígur í Eyjafjarðarsveit. Verkið felur í sér lagningu 7.200 metra hjólreiða- og göngustíg, frá bæjarmörkum Akureyrar að Hrafnagili, ásamt lengingu stálröraræsa, endurnýjun og gerð nýrra ræsa undir stíg og lagfæringar á girðingum.
Nokkrar magntölur:
- Gröftur: 7.000 m³
- Efra burðarlag: 10.700 m³
- Neðra burðarlag: 12.700 m³
- Girðingar: 1.700 m
Verklok eru 1. desember 2017.
Útboðsgögn verða afhent með rafrænum hætti. Þeir sem óska eftir útboðsgögnum sendi beiðni á tölvupóstfangið This email address is being protected from spambots. You need JavaScript enabled to view it. ásamt nafni, heimilisfangi og síma.
Kynningarfundur fyrir verktaka verður á skrifstofu Eyjafjarðarsveitar mánudaginn 17. júlí 2017, kl. 11:00
Tilboðum skal skila á Skrifstofu Eyjafjarðarsveitar, Skólatröð 9, 601 Akureyri fyrir kl.11:00, 31. Júlí 2017, en þá verða þau opnuð að viðstöddum þeim bjóðendum, sem þess óska.